西九高速的不幸事件

今天看6點半新聞, 又看到一宗令人心酸的電單車交通意外. 事件中涉及三架車, 其中有一架掛P牌電單車及兩架貨車包括重型貨車與貨櫃車.那架電單車是巡航車, 報紙說是Honda的Magna250. 據新聞透露: 當時, P牌司機騎電單車尾隨貨櫃車行駛中, 不知什麼原因引致前面交通阻塞, 前面的貨櫃車突然減速, 電單車亦隨著減速. 但電單車後的重型貨車剎制不及衝前把電單車夾在兩貨車之間變成三交治, P牌司機捲入貨車車底重傷死亡. 貨車司機只受輕傷.

經驗再好的電單車騎士也不敢說自巳沒發生過意外. 小炒, 跌車, 刮花輕碰...除非不出街, 否則難以避免. 但通過分享與交流, 使車友免避出錯, 重演悲劇. Steve很好運, 暫時未有遇上致命意外, 最大鑊是膝頭縫幾針. Steve認為這次意外, P牌司機輸在經驗不足, 行駛時跟在大車後面. 跟大車真是非常不明智, 除了貨車司機不易發現你外, 其他司機亦難看到你. 而你的視線被大車身所阻很難了解前面有什麼情況. 即係睇唔通前路. 所以STEVE永遠不會跟大車尾, 不用細想, 馬上扒頭, 亦不要在大車旁邊行駛. 如果阻塞就攝車走. 電單車必須走在最前.

有時命仔緊要, 故意違例都要做一次了. 最多都係罸幾百, 扣幾分. 就算掛P牌法律規定不能行快線, 都唔好理啦, 最多係罸少少錢延長半年P期, STEVE試過在過東隧去觀塘時, 轉了入口的大彎後, 前面突然大塞車. 當機立斷馬上CUT雙白線走, 否則真係唔知後面有無盲毛炳過來又剎唔到制將你變成三文治.

這宗意外如果跟正常程序,差佬又夠料 後面大貨車條盲毛應被控危險駕駛引致他人死亡. 最後願死者安息, 死者家人得到安慰, 違法者受到應有制裁. 車友吸取到竇貴經驗,可以避免悲劇重演.

相關文章 :

新娘潭電單車意外, 單騎與雙騎的分別, 交通意外和解及記錄表