新娘潭電單車意外

昨天看報紙, 嚇然見到有一宗嚴重的電單車意外在新娘潭發生, 電單車車手不幸傷重當場死亡. 事件中涉及 4架大馬力電單車及一架歌路娜私家車. 死者騎SUZUKI的600CC大R與三名朋友在新娘潭鹿頸遊車河. 可能車速或者車款太高調引致個駕駛四輪私家車靚仔去追, 結果死者的三個朋友見勢色不對,紛紛慢車停去路邊讓車, 只剩死者一架車被私家車追逐, 最後失控撞山自炒, 再滾出路面被私家車撞死.

新娘潭至鹿頸, 遠至沙頭角公路, 打鼓嶺是STEVE由細至大遊車河的地方. 記得讀中學時巳經常從大尾督租單車踩入新娘潭, 鳥蛟騰, 鹿頸入村吃士多公仔面, 看紅樹林. 鹿頸多彎,多斜,路又窄, 其實不太適合經驗不足的駕駛者入去. 當年踩單車入去炒過一次好甘既意外是成架單車散了要賠錢給單車檔. 反而後來騎電單車入去時極之小心從未炒過.

報紙佬講當時架大R可能正在與私家車斗車, 如果屬實, 真係好傻. 二輪與四輪兩種唔同車, 馬力/體積與車重都是兩回事, 勝了也不見得是技術高超. 輸了真是炒車兼賠命. 賽車當然是落場同級, 同馬力比賽才精彩. 有時如果你不熟路, 但後面有架車在猛推, 你無法調節車速,以不適當波檔, 車速入一個自已不能看透的彎, 係炒硬無得避. 只算好彩順利入彎, 彎中的死車, 石仔, 油漬都可能令你炒钁甘. 所以自己唔熟路, 睇唔通真係唔好玩啦...

希望死者得到安息, 死者家人得到安慰, 違法者得制裁, 車友們可從意外中吸取經驗, 去避免意外再重演. 鐵騎網誌有頁叫"炒車報告", 記錄了車友歷年炒車經過詳情, 大家有空可去看看 : http://www.ibike.com.hk/06_mailbox/index_crash.htm

相關文章 :
交通意外和解及記錄表, 單騎與雙騎的分別, 西九高速的不幸事件