賣車程序分享

steve最近在yahoo找到一些電單車的賣車程序與大家分享一下.

網友pandpzone問題 :

請問小弟最近想係28car.com到賣走一部電單車, 程序應該係點呢?

1. 相約見面
2. 試車?(我又驚佢揸走架車~ 點預防?)
3. 意合後是不是到銀行入錢? (現金我怕假銀紙)

另外, 28.com可不可信呢?
有什麼牌照上的東西要搞呢? 換名之類...幾錢度呢?
如有漏洞, 請多多指教!!

以下是steve的回答 :
steve以前的賣車程序如下 :
(1) 買家來電, 記下姓名, 電話, 電郵等聯絡方法
(2) 描述車輛情況, 傾初步價錢
(3) 價錢初步OK,有誠意, 約時間地點看車
(4) 你自己影印牌簿, 準備臨時買賣合約帶去,叫對方自備頭盔.
(5) 抯車到場, 著副ENGINE給買家聽聽, 停架車給買家任睇, 除非是相熟朋友, steve絕不會讓對方抯走架車, 因為唔知買家咩料, 如果發生交通意外抄車很難追究, 如果買家想感受實際駕駛情況, 可以叫買家坐車尾, 兜兩圈試下.
(6) 買家滿意後, 傾好價錢及填寫買賣合約, 寫明包什麼配件, 雙方資料, 最好要對方落多少訂金. 即收現金.交個牌簿COPY給買家做保險.
(7) 約運輸處附近停車搞轉名, 一轉到名馬上收現金, 收到現金才交車匙. 一般是一手交錢, 一手交車即收現金,無拖無欠. 如果你想銀行入數可以與買家傾傾. 但交車及收錢難免有時差.
(8) 28.com只是提供媒介給買賣雙方, 它應不會做出任何承諾保證. 雙方還是講個信字, 所以最好現金交易, 一手交錢, 一手交車.
P. S. : 搶車風險什麼時候都會有, 你平時抯車都有可能被搶被偷, 所以擔心是多餘的. 香港是法治社會, 搶車是刑事案, 報警交警方處理.

交通罪行申辯書

香港的p牌制度對電單車的限制太多了. 有時為了避開交通意外故意違例一次半次就無傷大雅. 如果理據充足, 多數可以申辯成功, 以下是成功case :

交通罪行申辯書

致: 交通違例檢控科第三組長官
由: xxx (steve) 身份證號碼x123456(7)
日期: 2008/10/9
案情陳述
本人為電單車暫準執照持有人, 於2008年10月1日早上8:30離開xxxxxx住所駕駛本田PS250電單車(車牌編號XX1234)往XX, 當時天雨,本人由XX街出發, 落XXX右轉入XXX街再左轉入XXX天橋落XX道, 在XX道右轉入XX道再左轉上XX路高架橋左線, 上橋后慢慢切入中線(由於左線轉入青衣), 由於天雨關係, 橋上行車十分緩慢, 我沿中線慢駛(約20-30km/h), 期間左線有架的士切入我的線道, 並將我迫往右線, 我沿右線跟隨前車繼續慢駛(約30-40 km/h)準備切回中線, 但中線車輛跟車距離很接近, 我沒有機會切回中線, 在高架橋落葵涌道位置, 於8:50a.m.一名交通警員將我截停於右邊路肩, 並票控我第34條違反執照條件, 電單車暫準執照持有人不準使用快速公路右線, 我向他申辯並要求勺情處理, 但他並不理會, 並聲稱由屯門公路已跟在我后面並堅持要發出告票, 我向他查問該罪行是否可能導至我須要延長半年暫準期, 其回覆為由於不是扣分項目, 不會延期, 發出告票后叫我駕車離開

申辯理由
法理
限制暫準電單車司機使用快速公路右線之法律理據為配合暫準執照車速70km/h規定及避免阻礙快速公路交通
1. 荃灣路高架橋時速限制為70km/h, 我暫準執照的時速限制同樣是70km/h, 我理應有權選擇任何線道
2. 當時天雨, 路面行車緩慢約30-40km/h, 路面交通已經是擠塞, 我並沒有可能再造成任何阻礙

情理
1. 當我在中線行駛左線的士切入時, 如我強行維持中線, 可能導至交通意外
2. 當我在右線行駛時, 中線車輛跟車距離很接近, 沒有足夠空間切線, 如我強行切回中線, 可能導至意外或危險駕駛危害我生命安全

疑點
1. 交通警員聲稱由屯門公路已跟在我后面,而我8:30a.m.由XXXX出發往九龍,沒有理由選擇屯門公路, 亦不可能於8:50a.m.繞道屯門公路至荃灣路高架橋落葵涌道口,我質疑他判斷之準確性
2. 交通警員聲稱該罪行不是扣分項目是不會導至延期暫準執照, 而我其后查核有關資料是可能構成延期之輕微罪行, 我質疑他是否向我提供不正確資料誤導我的決定而接受告票
3. 告票所注明的車牌編號XX1234, 而我所駕駛之電單車車牌是XX2345, 我質疑該控告是否有效

要求
本人懇請交通違例檢控科撤消對本人的檢控, 並於2008年10月21日前作書面回覆

聯絡方法
地址: XXXXXXXX花園X座X室
手提電話: 12345678(星期一至六) 家居電話23456789 (星期日)
傳真機: 12345678
電郵: steve-bike.blogspot.com

附頁是告票:RS XXXXXXX(Y)的副本以供參考

超速偵察-影快相

相信大部分的車友最討厭是差佬捉超速. 捉超速行為使遊車河的旅程中有點憂慮的感覺, 令駕駛樂趣大打折扣. ^^
如果公開地擺出偵察儀器如雷達及雷射槍, 超速的司機有了防範, 通常成功捉到的機會不大.於是差佬想盡辦法去瞞騙司機. 例如在天橋底埋伏, 利用軍用的迷彩網隱藏超速雷達. 曾聽過差佬在大帽山荃錦公路執行捉超速任務時躲在路邊的垃圾桶內舉雷射槍. 下圖是幾年前在新聞組找到的車友分享.

道高一尺, 魔高一丈. 司機們自然出盡辦法去逃避超速偵察, 我曾在龍翔道往黃大仙下斜途中看到有架綿羊貼實幾架雙層巴逢車過車非常驚險. 他可能以為雷達照相時如果同時照到兩架車是無法檢控的. 但是如果遭交通差當面捉就變成是告不小心駕駛而不是超速了.

以前出車前如果想遊車河遊得痛快點, 就首先拿部無線電對講機聽下的士台報料, 了解下那裡有"靚仔位" 以便做出防範. ^^

下面是在網上找到的一些內地的更精彩逃避方法, 下圖是網上有賣的遙控捲簾遮擋車牌法, 千多元而巳. 特別在下面加注 : "此裝置只用於停車時維護私隱之用, 不可在行車時使用". ^^
下圖是遙控車牌擋板, 內地特別奇怪的風俗是結婚時迎接新娘的花車是不用顯示車牌的, 用張紅布寫"百年好合, 永結同心"等語句把花車的車牌蓋起來, 花車司機做了什麼錯事都無問題, 因為看不到車牌, 追查不到了.

還有使用假車牌的車輛到處都有, 下圖是剛巧有兩架相同車牌號碼的車停在一起. 大家可否分得出真/假誰屬?

市面也有內地做的雷達偵察儀器, 聲稱可以檢到雷達掃描信號, 並通知司機留意...

我想, 捉超速這些都是治標而不治本的行動. 根治的方法還是要靠司機的自律. 裝白鴿籠及公開的車速偵查都是可以阻嚇司機不要違法. 司機本身也了解自已的控制技術及車輛性能, 扭幾多大家心中有數. 歐盟的德國好像是沒有車速限制的. 也不見得人家的超速交通意外特別多. 這可能與日耳曼人的自律性強有關.

電單車意外應對的 Q & A

下面的Q&A 節錄了一些我在YAHOO的分享, 車友如有意見, 可以留言討論.^^

我有朋友揸電單車被PIZZA電單車撞到~ 當時我朋友在雙線單路上想U-TURN, 他靠左停車, 打右燈望鏡, 睇過無車先開始U-TURN...

但佢一起步就聽到有車響安(我朋友的車已經佔路面四分三條線, 還未到中間白線), 佢就即刻停車...PIZZA試圖避開, 但始終收制不及, 好彩結果只撞到我朋友架車的右邊車頭...但PIZZA司機就飛左去對面線, 手腳下巴擦傷入院...

之後報警警察到場影相, 登記資料, 話兩三個星期要再去警局落口供!

問題:

1. 就以上描述...責任誰屬?
A. 照上面講, 你朋友有錯.

2. PIZZA公司第二朝早要求我朋友賠錢, 係咪佢地覺得有愧?
A. PIZZA公司覺得自已無錯, 才會要求你朋友賠錢.

3. 警察落口供時會點問?
A.會問你事發經過, 如當時, 車速, 位置, 行車方向等, 會劃圖輔助. 唔係個個CASE一樣.

4. 有律司樓既人話唔好落口供, 因為口供會成為將來證據! 寧願將來如果上庭再向法官講...這樣做正確嗎?
A.口供最重要, 唔落口供, 差人肯定會控告你朋友. 落口供都要極小心.

5. 警察會控告邊一面? 最嚴重會告什麼罪名?
A. 警方先向雙方發出擬控告通知書, 再根據雙方口供, 証人/証據決定告邊方. 夠料先會告. 如果只係受傷, 無人死亡, 通常會告不小心駕駛.

6. 如果雙方互不追究簽定和解協議書, 傷者是否不可再追討賠償? 警方是否不會控告不小心駕駛而CLOSE FILE?
A. 如果雙方和解, 對方不再指証你, 警方又唔夠料, 不會告你.


不小心駕駛是你行車沒有足夠的警覺, 沒有控制好車輛去避免意外發生. 意外時, 你朋友有無載人? 對方應是單座位綿羊, 沒有載人. 除了雙方司機外, 有無其他証人?
如果無其他証人, 差佬是又沒有親眼看到意外發生, 控告就憑雙方口供. 如果無人死亡, 警方唔會花費大量時間去驗雙方架車.
通常D人唔會講自已係度調頭. 經典藉口是"閃避". ^^
例如閃避突然切線車輛, 閃避突然衝出馬路行人, 貓貓狗狗, 單車阿伯等等. 如果有突發事件觸發意外並不會構成不小心駕駛.

*** 善意提醒 : 提供假証供,妨礙司法公正是刑事罪行.

電單車初哥的 Q&A

1.電單車棍波轉波個道(左邊腳)枝野點整上整落。整上會點,整落會點,同埋俾油個道嘅前面(brake)係前brake,還是後brake?

(A) 棍波電單車轉波是先控制油門使引擎在適當轉數. 拿極力子後就可以轉波, 普通電單車的 1 波是在最底下,踩一下, 落1個波檔, 向上KICK一下上 1個波檔, 空波位於 1波與 2波之間, 防止踩到最底入了空波. 右面個BRAKE係前BRAKE. 以右手控制, 動作可以非常細緻.



2.電單車自動波嘅前brake係在左邊，還是在右邊?

(A) 自動波的前BRAKE仍然在軚杆右邊, 後BRAKE在軚杆左邊.因為前輪個BRAKE需要細緻的控制, 一般人的右手比較靈活.


3.戴眼鏡嘅人戴頭盔會否不便?

(A) 戴眼鏡如果戴開面式頭盔比較方便, 如果戴大頭佛(全罩式)就必須先除眼鏡, 戴好頭盔後才打開風鏡,再戴眼鏡, 所以不太方便. 但你可以買那種可揭開下巴的大頭佛.



4.電單車有冇喇叭(響安提示人個喇叭,不是音響)在電單車哪裏?

(A) 電單車當然有喇叭, 通常原裝車裝在車頭鵝頸附近, 改裝車就隨自已鍾意, 喇叭開關按鈕原裝一般在左邊.



5.車頭燈的開關掣又在電單車的哪裏?

(A) 車頭燈的開關一般在右邊軚杆上, 因為"START"制也在右邊, 方便車手起動引擎後順手開燈.但高低燈按鈕則在左邊軚杆上. 現在有些車的頭燈長亮, 以防車手忘記開燈, 但按起動制時, 頭燈是暫時熄滅的.

香港一般初考車牌程序

香港滿18歲完全無任何車牌人士一開始可以考私家車(1), 輕型貨車(2)及電單車(3). 電單車有一年P牌實習期, P期內無干犯嚴重交通例可以申請轉FULL LICENSE, 否則可能延長P期或重考. 私家車及輕型貨車一考巳經FULL LICENSE.

(1) ,(2), (3) 都有分自動波牌及棍波牌兩種, 自動波牌不能駕駛棍波車,但棍波牌可駕自動波車.全部都要先去運輸處報名考筆試, 約好時間在運輸處考電腦筆試(至少 1 星期), FAIL 要重考至PASS為止.

筆 試合格後(1) &(2) 可以申請學牌, 然後排期考路試, 考路試排期真係唔一定快, 視乎當時既考生多少而定, 1~2個月後考路試, 期間可以找駕駛學校或私人教車師傅學車. 當然私人師傅上課時間彈性些, 可以學快些. 學完可以去考, 先考泊車(PARKING) 再考行街(ROAD TEST). 如果係輕型貨車, 只是其中一項肥佬(FAIL)可以重考FAIL 項目, 重考可以排快期. 路試合格可以在7 個工作日後去拿正式FULL LICENSE. 所以如果你有天份再加極好運氣一次合格, 有可能可以在3個月內完成.拿到正式車牌. 考到(2)輕型貨車牌可以免考同時取得(1)私家車牌

電單車(3)牌在筆試後要找駕駛學校先學基本技術如開車,加速,轉彎, 緊急停車,推車,考一個強制試, 強制試FAIL要重考至合格為止, 下雨天仍然可以在駕駛學校的有蓋的室內場地考. 強制試合格有基本技術才可以申請學牌出街同時排期考路試.主要考斜路打8字, 斜開車停車, 實際街道行駛. 患病, 或其他合理理由可申請延期, 排路試考期同(1)&(2) 差不多. 但是如果考試當天下雨, 考官判斷路面狀況不適合考試, 他有權取消考試, 要重排考期, 可排快期. 路試合格可在7個工作日後去拿 P 牌, 一年P期無犯嚴重交通例再取正式車牌. 所以電單車在3 個月內完成考取車牌的機會是極少的.

下面有運輸處WEBSITE可供參考 :

http://www.td.gov.hk/public_services/licences_and_permits/index_tc.htm

查 詢:
有 關 運 輸 署 牌 照 服 務 的 查 詢 ， 可 致 電 牌 照 部 的 24 小 時 查 詢 熱 線 (852) 2804 2600 或 透 過 電 子 郵 遞 查 詢 ﹕ licensing@td.gov.hk

你 亦 可 到 各 間 運 輸 署 牌 照 事 務 處 的 詢 問 處 查 詢 。

初哥購買二手車程序

(1) 揀車, 打電話約車主睇車.
(2) 帶頭盔, 搵個有經驗有正式牌既friend 一起去睇車, 見到車主,先要求睇牌薄驗明無花無假. 由於燕梳/抄車風險問題, 車主未必比你試車, 可能車你行幾圈, 或者比你個friend 抯架行幾圈. 如果3rd保/行車証過期, 出唔到街, 可能tar著副引擎, 比你聽下聲.
(3) 試架車性能ok, 決定買. 同佢傾下價錢, 講清楚包什麼配件
(4)價錢ok, 寫張買賣合約, 寫明買家/車主姓名/ID NO./車型/配件/價錢/轉名日期, 轉名前告票抄牌由車主負責.
(5) 一般唔使落訂, 如果你非常志在必得, 可以落訂, 要收據, 車主就唔可以賣給第二個.
(6) 同車主要牌薄副本搞三保燕梳. 約時間一起去轉名.
(7)轉名日最好叫多個friend一起去, 叫車主泊架車去運輸處附近車位. 帶頭盔,燕梳三保, 錢去泊車位, check清楚性能(起碼要起動得著), 配件, 外觀, 車架/引擎編號. 叫個friend 睇住架車,然後同車主一起去運輸處轉名. 未轉到名之前都唔好付款.
(8) 轉名費通常買家比, 搞好晒手續後, 攞到新牌薄, 應該要付錢給舊車主, 攞返全部車匙. 通常現金交易, 如果金額大可以談銀行轉帳, 接受與否係買賣雙方問題.
(9) 攞車再去油站入油...