考到牌後的第一架電單車

上圖是幾年前在土瓜灣後巷發現的拆骨偉士.

考到車牌後抯第一架車是偉士綿. 當年電單車牌無P牌制度, P記會請新牌仔送Pizza既, 所以一取到正式車牌就馬上去P記應徵做兼職pizza車手. 一來可以賺下外快, 但最主要是想玩P記的偉士綿. P記的偉士綿是白色PX200,下面是STEVE的PX200試車報告.

偉士綿VESPA是意大利車廠Piaggio出廠, 最經典的型號是PX200, 鐵殼車身, 200cc 二衝程引擎, 4檔手波任你轉, 最適合手痕騎士. 規格應該在piaggio官網找得到. 轉波只需一隻左手, 因為離合器牛角也在左邊. 右邊就是傳統的佈局有前輪brake, 扭油桶及後輪腳踏brake. 所以駕駛時左腳是很空閒的.


px200 有起動摩打及腳踏起動杆, 入空波一按紅制再扭少少油就可以聽到 2T引擎的卜卜聲. 很有節奏感的心跳讓PX200充滿活力. 不過就需要入 2t油, 每一缸油倒入大約一個益力多樽的2t入油箱. ENGINE在低轉時, 車身及倒後鏡震得很犀利, 有時連頭燈光也會隨著引擎聲變化. 如果電池儲電量不足, 可以用腳踏起動. 泊車時需要起大架, 因為架車無邊架.


px200 最吸引我的地方是簡單靈活的操控. 前輪的轉向幾乎可達到90度. 最適合在繁忙的市區內左穿右插. 當年一拿到p記的pizza車, 第一時間是去停車場操熟佢, 練下打8字. 結果第一日開工巳見紅, 跌車兼擦傷. px200車身輕再裝個大鐵箱在後面, 重心就移到車尾, 所以偉士綿是特別容易起頭. 第一次送pizza出街, 就在第一個燈位一波快放離合器起頭. 嚇到隔離位師兄眼都大. ^^

px200 的二衝機器馬力應該超過10匹(詳情可找下piaggio官網), 再加上車身輕, 燈位起步彈閘勝過很多4輪私家車. 4檔波箱, 如果加速timing準確, 0-100km/h不會差過250街車. 單騎上斜亦很夠力. 以前去粉嶺上班途中經常在大帽山看到一架偉士綿"卜卜卜"地上山跟住落山時逢車過車.

將來心血來潮說不定心痕再買部偉士來玩.